Fùlmétrażowi film „Jezës” na pòspòdlim Ewanielii wedle sw. Łukasza òbezdrzało ju wiele Kaszëbów kòl Gduńska. W gromicznikù 2008r. widzało gò wiele òbzérôczów w kòscołach w Żukowie, midzë nima béł i ten, chteren to napisôł. Filmowi producent John Heyman próbùje ùdzelëc òdpòwiedzë na pëtanié – chto to pò prôwdze je Christus, a robi to snôżo, chòcbë przë leżnoce téj tu podobnii:
8,5 „Séwôrz wëszedł sôc zôrno. A czej sôł, jedno padło na droga i bëło podeptóné, a lôtającé ptôchë je wëdzobałë. 6 Jiné padło na kamiznã, a czej weszło, ùschło, bò ni miało wòdë. 7 Zôs jinszé padło midzë drżón, a drżón raza z nim wërósł i zagłësził je. 8 Jinszé przë ostatkù padło na òbrodzajną zemiã, a cziej ùrosło, dało stokrotné żniwo”.
    Dlô naszégò jãzeka dwiérze kòscołów na Kaszëbach są òdemkłi. Film je zrobiony nową techniką, ale ze stôrima słowama - taczima jak gôda mòja Mama, chtërne òna mie dała w spòsobie. Mògą gò téż òbzerac ti co pò kaszëbskù nie czëtają, ale czëją ë rozmieją naszą mòwã. Je òn wskôzą, że Bóg i Człowiek (Christus) gôdô pò kaszëbskù. Christus dlô mnie pò tim filmie je blëższi, bò gôdô mòją mòwą – tą òd Mamë, a ni jakąs dlô mie le goscynną, chtërny ùżëczële mie iné.Wszëtczé òdjimczi bëłë zrobioné w Izraelu i téż temu wôrt je ten film òbezdrzec. Mòże jesz Kaszëbi w Kanadze bãdą gò òbzérale?   

 

                                                                                                                               Marian Jelińsczi